IEEE NSW Section - Ngukurr & Roper-Bamyili Kriol

Ngukurr Kriol

WANIM DET IEEE?

Det IEEE, dijanmob nomo worri bla meigim mani, alabat oldei brabli aibala blanga sabi olkain bla ola teknolejimob, tharran wen alabat sabi bla fiksimap o bildum ola meshinmob. Im det pleis bla gu ib yu wandim sabi brabliwei bla bildum olkainabala ting laikim telefon kain, ola ting wujei yu goda tarniman goda switj kain, komputa kain, ami kain, ola powa en tingmob lagijat na. Det brabli neim blanga IEEE im Institute of Electrical and Electronics Engineers Inc., yu luk det neim I-E-E-E, alabat oldei kolum Ai tripul E. [luk langa www.ieee.org]

Hu det IEEE mob album

Detmob hu joinap langa alabat burrum rait raun la wel, en alabat brabli aibala blanga ola det kein wek blanga bildumap ol kein ebrijing bla gu la speis, ola komputamob, ola telefon, radio en satalaitmob, en det lot hu sabi ola doktamob, sabi bla fiksimap ola powamob en ola enijing goda powa wen yu baiyum burrum jop, ola det kainabala na. Detmob hu bin joinap la IEEE oldei gajim alabat bla fiksimap enijing goda powa. Bla meigim najalot wandim bla duim dis kein, bla wek en sabi fiksimap o meigim enijing, det IEEE gin album det lot hu gubat langa kolij en yunabursiti bla joinap du, burrum rait raun la wel. Naja impotantmob bla bildumap wi, im detlot wen alabat baiyum enijing burrum wi ola IEEE en wen enibodi kaman la wi big mitin en najalot wekjop wi duim.

Blanga sabi kwikwan bla wi

Det IEEE godim:

Mo den 370,000 pipul joindap la wi, 80 000 gubat la skul o kolij la mo den 160 kantri.
319 eriya la 10 difren pleis ol oba la wel.
Raun 1,676 tjapta o eriya, wi majurrumap ola mob la wan eriya wen alabat godim seim seim bisnes.
Mo den 1,526 skul bildin la kolij en yunabursati mob la 80 kantri.
39 speshulwan mob wen dei meigim joinap mitinmob en 5 teknikul kaunsulmob wen alabat gu bla maindum ola difrenwan wek bla fiksimap ola meshinmob.
Mo den 400 konbrens o bigwan mitinmob dei abum ol oba langa wel ebri yiya.
Loda aibala wei IEEE godim blanga det kein wek en 400 mo kamanap.

Det IEEE la New South Wales. http://ewh.ieee.org/r10/nsw/

Det IEEE godim det bigis pleis la Australia kolum IEEE NSW SECTION.Alabat goda 2350 pipul wekin jeya en sambala oldei gu en dalimbat naja lot blanga dijan langa ol kein pleis laik la ola big miding, wekjopmob en gu bisiding la naja lot. Wi meigim 3 nyusleda ebri yiya la NSW, alabat oldei bi la wi websait du. Det IEEE NSW SECTION o eriya, goda det websait det gin dalim yu ola ebrijing iya la NSW. Det IEEE gibit speshulwan eriya blanga ola difrenwan wek iya langa IEEE la NSW, ola eriya alabat im:

computer eriya, tharran wen alabat len bla fiksim en meigim ola ebrijing bla kompudamob.
Joint Communications en Signal Processing (ComSig) eriya, tharran wen alabat len bla ola difrenwan wei bla jendimbat ol kain la enibodi la longwei kantri.
Joint Antennas Propagation en Microwave Theory Techniques (AP/MTT) eriya, tharran wen alabat len ol kain bla meigim ola ting bla jendimbat nyus en mesij.
Power and Energy (PES) eriya, tharran wen alabat len bla fiksimap en meigim ol kain bla ola powa ebrijing.
Joint Laser Electronics en Optics (LEOS) eriya, tharran wen alabat len bla meigim ola ebrijing goda dat speshulwan lait. En Solid State Circuits (SSC) Circuits Subsystems (CS) eriya, tharran wen alabat len bla fiksim en meigim ola ebrijing goda powa wen im oldei gaburrmap
Graduates of the Last Decade (GOLD) - social networking eriya, tharran wen alabat len bla midimbat ola difrenwan pipul bla gibitbat mijelp aidiya.
Education eriya, tharran wen alabat len blanga ola enijing wen dei wandim sabi mo.
A 'proposed' Women in Engineering (WiE) eriya, tharran alabat jingabat bla meigim wan eriya bla ola wumun ib alabat wandim len bla fiksimbat o meigimbat ola dis kainabala du.

Wanim alabat duimbat.

IEEE NSW oldei sodimat goda IET en Engineers Australia bla delum mijelp wanim taim alabat oldei dumbat enijing ola wei thru la yiya. Dijei yu nomo worri bla misat la enijing ib yu wandim gu jeya la NSW.

Wen yu joindap

Ib yu joindap wen yu la skul o kolij, im USD$25 bla wan yiya en im gudwan du, dumaji - yu gin gajim virus filtered, spam filtered e-mail alias, tharran wen alabat sodimat ola rabish langa yu komputa en yu gin yusim naja laiyawan neim gemen bla yu, en yu gin abum det seim e-mail neim bla long taim! Loda pipul hu gubat la skul o kolij oldei tjalijbat mijelp bla prais en najalot gin sabi sabi hu alabat. Houp ola gudwan blanga yu wek ebrijing, en sabi loda pipul ol oba dijan wel bla album yu wen yu libum yunibursiti, tharran skul bla ola adolt.

Burrum,